●黃樹棠靈堂布置簡單。香港文匯報訊（記者 李慶全、梁靜儀）資深藝員黃樹棠（棠哥）上月10日因大腸癌病逝，享年74歲，喪禮昨日於紅磡世界殯儀館設靈，翌日出殯，靈柩奉移鑽石山火葬場火化，骨灰將灑紀念花園。
靈堂布置簡單，橫匾寫上「永遠懷念」，靈堂前中央擺放了兒子黃榮璋送的黃色心形花圈並寫上「親恩永懷」，遺照選用了棠哥身穿藍色花恤衫，面帶笑容的彩色相片，縱橫影視圈近50年的棠哥，生前人緣不俗，古天樂、成龍、劉德華、羅蘭、關菊英、樓南光、錢嘉樂夫婦、姜皓文夫婦、呂頌賢夫婦、森森與斑斑等圈中好友均送上花牌，而前往弔唁的圈中友好則包括尹天照、袁文傑、陳煒、丁羽、冼灝英、甄志強、曾偉明、田啟文、麥翠嫻等。
棠哥的胞妹黃文慧見到傳媒即雙手合十，隨後與侄仔黃榮璋一同接受訪問，心情悲傷的黃文慧更數度落淚：「人間總有情，在咁惡劣情況之下棠哥會一路好走，佢會離苦得樂！」 她又稱本身有很多兄弟姊妹，有部分侄仔侄女因疫情趕不及回來。跟哥哥在影視圈出生入死多年，她傷心說：「始終係唔捨得嘅，我好愛佢，希望佢靚靚仔仔，一百年後一條好漢再戰江湖，我唔應該喊嘅，就當係送佢出外景。今次棠哥唔寂寞㗎，琴姐、炳哥都一齊會合佢坐飛機去登台，所以我帶咗好多去機場嘅食物嚟，呢啲係我心意。」
另外，尹天照與袁文傑下午一起前往致祭，尹天照覺得對方的離開很突然：「因為心裏一直覺得棠哥好得返，走過第一個難關，第二個應該冇問題，我本身同棠哥個仔唔熟，係透過李潤祺問棠哥個仔，了解棠哥嘅近況，但因為疫情關係去唔到探病，棠哥個仔又冇乜特別嘢講，心諗冇消息就等於好消息，所以冇諗過佢走得咁快。」他又透露與棠哥本來部署合作拍一部網絡大電影，但因疫情關係未能返內地搞，加上現時棠哥又離世，所以是否拍得成都沒所謂了。問到這可算是棠哥工作的遺願，又會否幫他完成？他說：「棠哥係好看得開嘅人，佢成日教後輩好多嘢唔好放喺心，好似呢部網絡大電影，拍唔到就由得佢，就等佢喺天家拍天堂嘅故事。」尹天照又指他的粉絲來港，都是由棠哥幫手招呼他們，他的粉絲知道棠哥離世都有唔開心，但因疫情未能來港拜祭，相信棠哥會明白。
袁文傑表示當年由TVB過檔ATV時，第一部與棠哥合作的劇集便是《雪花神劍》，因為是第一次合作，棠哥便跟他說：「靚仔，你嚟開工好準備定啲奶茶、咖啡，其實棠哥係好錫後輩，佢咁講都係想同大家打成一片，喺片場又成日教我啲武打動作，棠哥是我見過的幕前人當中，非常正面及樂觀嘅人，他會勉勵我：『傑仔，唔好唔信人，要攞個心出嚟去相信人。』意思係叫我唔好對人咁多猜忌同防範。」他又稱曾聽過棠哥分享在台灣打拚的歷史，覺得他好樂觀及正面，像一個大細路的前輩。對方癌症康復翌日便去開工，這份精神很好，覺得對方似一個現代的古代人，他又慨嘆說：「棠哥嘅離開，自己好唔願意去相信。」