今晚跑馬地舉行九場賽事，使用C跑道向後移欄競逐，內欄向跑道中央移入八米，闊廿二點五米，直路長三百三十四米，比A跑道長廿二米。今次是季內第九次使用C跑道，上次使用是四月二十一日，當日草地度地儀指數為2.69，場地掛牌為好至快地。當日九匹頭馬中大熱門無一取勝，排外檔只得「種福者」及「維港奔流」，其餘七匹排中內檔，當日的C跑道有利內檔馬爭勝。跑法方面，九匹頭馬中後追馬有跑千二米的「特醒」及「電訊火箭」兩匹，其餘七匹則使用跟前或快頭跑法，當日場地不利後上。今季谷草C跑道贏馬最多的練馬師是方嘉柏贏九場，之後是告東尼贏七場。騎師方面，今季谷草C跑道贏馬最多的是莫雷拉同潘頓，同樣贏了十一場。今次睇好姚廄匹「正陽清風」，歷來三戰谷草C跑道獲得兩場勝仗，上場在沙田上陣落敗可視作為試閘用途，今次重返谷中福地加上減分已多，值得多加留意。