●C AllStar以新造型拍攝演唱會海報。香港文匯報訊 今年重新集合的 C AllStar將在7月底舉行他們第3次的紅館演唱會，更首次挑戰四面台，滿有新鮮感之餘他們亦十分期待。在拍攝演唱會海報期間，4子除了穿上有如太空衣般的厚重外套外，頭上更戴上不同形狀、類似天線的金屬頭飾。陳健安（On 仔）說：「我哋嘗試喺咁金屬嘅物件入面，加入比較人性化比較溫柔嘅一面，所以呢啲頭飾全部人手製造並且配合我哋嘅頭骨形狀。」不過 DJ King （吳崇銘） 及釗峰均不約而同稱，戴上頭飾時實在苦不堪言，有如孫悟空戴上金剛圈一樣，頭痛不已。
其實休團3年多的C AllStar去年曾想過藉成團10周年重組，但當時疫情關係加上各自有工作要忙，所以感覺現在是最好時機。On仔說：「自2017年10月紅館演唱會後正式休團，呢3年幾乎單飛發展，4位成員都有唔同嘅提升，𠵱家為信念再集合。」
King說：「單飛前我哋最後一首歌《再不再見》已經留下伏線，到底係再見定係不再見呢？結果𠵱家我哋返嚟啦，事實係會再見嘅。」
SoulJase（何建曦）指出休團後大家各自奮鬥，現在再集合，就好像重新征戰沙場，他說：「可以將之前做得唔夠好嘅地方再做好，加上首次挑戰4面台，感覺非常新鮮，亦都好期待。」
釗峰續說：「同時亦都希望可以集合所有人，聚埋一齊喺一個地方，開開心心咁玩番一晚。」
On仔也指出：「多謝一直支持咗我哋十一年嘅每一個歌迷，好希望到時候可以見到大家。」