●靚湯投訴阿蕭經常提起馬明個名。香港文匯報訊（記者 李思穎）蕭正楠（阿蕭）、湯洛雯（靚湯）、簡淑兒、利穎怡、杜燕歌等昨日為熱播中的劇集《一笑渡凡間》宣傳，眾人分組玩遊戲，好不熱鬧。阿蕭透露試過因太累「打橫瞓」畀人化妝，因不太吉利，以後不敢再試。而靚湯則投訴定情公仔被馬國明（馬明）據為己有，更擔心被搞到「五馬分屍」。
阿蕭在劇集首播時，所演角色長滿紫色毒瘡，雖然只是播出短短1分鐘卻拍足幾日，他透露：「這個妝會不時在夢境出現，每次都要花上3小時去化，有時太累好眼瞓，同事便托住我個頭化，我都試過『打橫瞓』住畀人化，有時太累真的沒法子。」在旁的靚湯笑他似先人化妝，阿蕭即說：「都係試過一次，知道『打橫瞓』化妝不是太吉利，以後不敢再試，（攞番封利是？）你畀我咩！」
靚湯在劇中飾演一個男仔頭的女捕快，她自爆唯一有場女裝戲，竟被取笑是「男扮女裝」，阿蕭笑謂：「我見到佢女裝出現，要做出驚為天人感覺，我便用馬國明望住佢嘅眼神去演。」靚湯即撒嬌謂：「你做咩成日提住佢，佢呢套劇無份㗎。」阿蕭應承日後馬國明有劇出，他會幫手宣傳，湊巧馬國明演出劇集《寶寶大過天》快將推出，更與《一笑渡凡間》疊期播出，靚湯笑指男友正在內地工作，還需逗留多一個月才能回港，所以《寶寶大過天》頭兩次的宣傳應該出席不到，這便要靠阿蕭了，當問到靚湯對阿蕭扮馬國明的神似度？她笑說各有千秋。
說到馬國明出外公幹，不忘帶同跟靚湯的定情馬公仔同行，今次也不例外，靚湯笑言：「可能搞到五馬分屍，隻公仔明明是我，但他據為己有，（幾時將你都據為己有？）唔知呀，你問佢啦。」
另外，利穎怡在劇中是半身不遂，全程都沒有對白，只靠眼神來演戲，她表示：「最初監製話我眼神太精靈，配合不到當中飽受創傷的角色，自己都好擔心出來效果。」日後她希望拍劇和《東張西望》主持二者同時兼顧，有多些工作機會。