馬主C內幕提供今晚谷草安排九場賽事，以B欄C彎跑道進行，頭場下午六時四十五分開跑，全晚未有設立盃賽場合。練馬師方面，羅富全、方嘉柏及呂健威都派出多匹惡馬參戰，值得高度重視。騎師方面，雷神及潘頓均手執不少實力馬，可作為扶手棍看待，另外周俊樂及火車潘之坐騎亦要吼實。
第一場、第五班、二二○○米。「無極戰士」季中降至五班後六戰僅兩次無獎金收，最近三次更兩得季軍，顯然已減夠分，可是上賽配郭能跑田草千八，四倍熱門或許跟得太前，末段未能貫注到底敗近；今次練者報回窄場轉爭大長途，看近兩戰泥地及田草千八，末段望空追趕力甚強，可見練者刻意報爭長途賽必定有計。
第二場、第四班、一二○○米。「話贏就贏」早熟短途馬，上仗賽前試過四次閘，頭兩個八百米直路閘起步反應快，全程輕鬆跟喺前列返嚟；之後試谷草一千同千二閘，一課稍留一課放頭，狀態已起得唔錯；結果上賽初出同程排五檔快閘守在第二位，末段保持佳速入Q，省過開氣今仗有力補中。
第三場、第四班、一二○○米。「電訊超班」四歲南半球馬季內跑過十仗雖未一逞，惟已一連三仗都跑入亞席，前仗跑同程不敵「齊齊友福」，到上仗與「正本歡心」力戰影相僅輸短頭，可見跑到今次拆組賽事遇着爾爾對手，應係贏馬最佳時機。
第四場、第四班、一二○○米。「贏多多」上賽回降四班重配史卓豐又抽到內檔，與季初贏馬時一模一樣，可惜力拚下只跑第三；翻查馬兒至今四戰四班谷草取到三冠一季，拚後官仔馬於上周二由史卓豐快試，走來神閒氣定，季尾時段於四班若遇上好形勢，當把握機會再勝一仗。
第五場、第三班、一○○○米。「天火同人」三月及四月的中下旬，兩度由贏馬功臣何澤堯執韁角逐谷草最短途，可惜檔位一次比一次差，加上三歲馬孭重磅，陣上又多走不少腳程，結果兩仗都能所負不遠，表現依然可取；上仗回配樂仔重飛輕勝，拚後加八分升班相信仍可予取予攜。
第六場、第四班、一六五○米。「盈嘉輝」六歲仔上賽之前全無近績，而且全數配下風騎師，前仗場地不利追，全程走外疊卻有追勢；上次重返谷草一哩贏馬路程，甫落四班石哥即搵巴度搏殺，可惜力戰下功虧一簣；復課連番拍跳火氣旺，展步開揚，今戰勢必全力拚個明白。
第七場、第三班、一六五○米。「嘉應精彩」上季只在田草千四取得一W，踏入今季尺寸均速馬早在季初已在田草千四取勝，打後連番拚搏都未能再捷，惟上賽告仔安排轉戰谷草一哩兼搵潘頓主轡，十倍冷門均速守好位，鬥拉士力拚影相僅負頭馬，今次趁勇誓師，交出水準有力補中。
第八場、第二班、一○○○米。「英之星」今季跑過七仗，初出跑谷草千二，入直路走入當晚場地情況較差的內疊衝刺，結果僅負短距離跑第二，表現出色，可是進度未能持續，翌仗再戰同一路程，轉彎時勒避失位後大敗；其後一連五仗均為大冷門落敗，但所負都不遠，尤其前仗配班德禮出爭谷草千二只負三馬位，可見今次試準而臨誠屬冷膽之材。
第九場、第三班、一二○○米。「星運男爵」前仗出爭二班田賽千二，在直路展現凌厲後勁，僅以頸位之微不敵「韋小寶」屈居第二名，乃高水準賽績；剛戰卻因在開閘時一對前腳並舉以致失地，最終落敗而回，今次轉攻窄場避開一批沙田惡馬，若出閘俐落隨時贏馬收復失地。