 放大圖片
■舒淇數完型男「咀功」，準備與林珊珊大快朵頤。
【本報訊】去年美國娛樂頻道《E！》評選為「最性感豐唇女星」的舒淇，應now香港台節目《Have a Nice Day》主持林珊珊邀請，大談男藝人「咀功」，包括梁朝偉、劉德華、鄭伊健、吳彥祖、張震、徐錦江。舒淇認為他們各有特色，現最想「咀」的是張學友，為嘗心願，甘願免收片酬。
說到她的嘴唇性感，舒淇說：「我出世時媽媽看見我就很擔心地說：『點解阿女個嘴咁大？都唔知將來點做女人。』所以我點會覺得自己張嘴sexy。」
17歲和男朋友初吻
舒淇被珊珊追問初吻發生的經過？舒淇回憶：「那時大概16、17歲，跟男朋友約會去睇戲，台灣有些地方好似卡拉OK房般，是放電影的，感覺好似包了間私人影院睇戲，我當時根本就心不在焉，只顧想他幾時會拖我隻手呢？他又會唔會『錫』過來呢？點知睇完成套戲都沒事發生，那時要走了，心想咁點算，可能他都是這樣想，於是在好匆忙的情況下臨離開時在房門口他就『錫』了過來，真係唔浪漫！」
舒淇銀幕上的初吻是給了《玉蒲團》的對手徐錦江，她說：「江哥好人好nice，好照顧我，不過他的鬍子弄得我很癢。」
華仔 偉仔 鄭伊健
近期合作的劉德華，舒淇形容：「華仔當然唔錯啦，佢仲識擺pose，坐低呀、起身呀、轉圈呀，好多pose。」
不少人羨慕舒淇「咀」過梁朝偉，而且「咀」過三次，感覺又如何？舒淇說：「最好咀，佢嘴唇好厚，加上他的眼神，可以令你好投入。所以同佢拍『咀戲』好容易。」
同鄭伊健都拍過四次「咀戲」，舒淇稱：「唔知伊健係咪怕醜，所以佢無前奏，直接咀，好似要盡快完成場戲般。記得拍《Bad Boy特工》，講佢要吸我的能量，成日都要同我咀，仲要追住咀，幾好玩！」
至於吳彥祖，舒淇說：「他的嘴唇薄，我咀佢就好似食咗帊搳C」
張震「咀」足十分鐘
拍「咀戲」最有趣的一次是《最好的時光》，舒淇跟張震有場戲要由廳到房「咀」足十多分鐘，roll機後他倆投入地「咀」，連導演叫停都不知，之後至覺得係咪「咀」得太耐呢？於是停下來，點知導演和攝影師已經在食煙。
問到有沒有難受的經歷？舒淇笑謂：「有次試過有個對手是食煙的，事前他又沒有擦牙、食口香糖之類，那陣煙味和口水交融在一起，是難頂了一點。惟有再拍時自己借故走到他身邊，問他食唔食口香糖。」
等待機會「咀」學友
舒淇遺憾未有機會「咀」張學友，如果唔畀片酬但可以同學友拍「咀戲」她肯唔肯？舒淇連聲說：肯！原來學友一向是舒淇的偶像，入行後文雋知她喜歡學友，便帶她去《雪狼湖》後台探學友班，那天還要是她生日，學友送了一張卡、一枝花、一個蘋果祝她生日快樂，幾sweet！
訪問中談到如果日後她結婚，會否請從前的男朋友飲喜酒？舒淇決絕地說：「不會！如果以前的男朋友結婚請我飲，我也不會出席，可能過往的關係都是不開心收場，所以根本再見不是朋友啦！」
|
放大圖片
