|
「警察打電話畀我先知個仔索K，我以為佢大個仔會控制到，無諗過佢讀葵涌區BAND1中學，每晚乖乖返屋企𠳓覺，竟然會吸毒。知道後成個人傻咗，剩係識喊。」嘉騏媽媽親述一年前得知兒子索K的錯愕，當時她更一度因為哭得厲害，導致睜不開眼，可幸兒子經過一年福音戒毒，脫離毒海，母子二人擦乾眼淚，昨日勇敢地出席禁毒活動，以過來人身份告誡年輕人遠離毒禍，「向毒品說不」。
剛滿16歲的嘉騏，兩年前在朋友引誘下初嚐毒品，「第一兩次睇到朋友吸毒，自己都識拒絕，但睇得多都有好奇心，點解佢地會吸毒呢？」他不喜歡讀書，又沒有其他目標，加上朋輩影響，終於行了第一步，「�蔑}時根本冇限制自己食幾多，一悶就索K，試過一個禮拜食10次。」成為K仔「常客」後，他更躋身「拆家」行列，向同學及屋邨後生仔放售，除了「賺回」索K駛費外，還不時有千多元「落袋」，用來打機買東西。
兒不慎失足 母不離不棄
雖然身邊曾有「拆家」被警察斷正，但嘉騏根本「唔知驚」，反而更小心行事，「我靠打電話出貨，會叫買家自己嚟拎，自己盡量唔拎出街。」不過，上得山多終遇虎，他去年因藏有毒品被捕，被判感化18個月。還記得10多天的拘留期，媽媽天天到訪，不離不棄，他終於知驚知錯，決定到基督教得生團契接受戒毒療程。轉眼一年過去，嘉騏透露，未來會繼續留在得生團契學習造西餅及狗隻美容。身旁的媽媽則笑說，不會為兒子設定期望，以免令他承受壓力，但深信他有了發奮目標，自然不會重蹈覆轍。
昨日適逢是嘉騏戒毒後的第一個生辰，出席同一活動的行政長官曾蔭權，聽完他浪子回頭的真情分享，也笑說十分欣慰，更親自送上生日卡及十字架，祝願他「追尋理想，開創新生」。 ■本報記者 曾少妍
|
