|
李自明
特首曾蔭權在施政報告中推廣慳電膽，沒想到引發一場「益親家」的小風波。早已響應環保，全屋使用慳電膽的政壇高人笑言，所謂煲呔涉及利益輸送的指控，實屬無限上綱上線，就算只看表面證供亦難以成立；而如果就此要求擴大申報範圍，「包埋六親遠房」，分分鐘「辣」到尊貴的議員自己，變成「自設羅網」，最終「一係大家斷六親，二係大家唔入官門」，「呢個結果，有幾個人想睇到？」
利益輸送 需符基本條件
政壇高人嘆道，利益輸送的指控要成立，最少需要符合幾大條件。首先，相關政策須是為某個人度身訂造，或為某人突然提出沒有迫切需要的相關政策；其次，在政府政策提出前，某個相關人等突然參與相關生意；第三，某個相關人等，獲得關照做到獨市生意。「就算中倒其中一項，都可以話有嫌疑」。
不過，鼓勵使用慳電膽不僅是當局近兩年力推的政策方向，細節亦是由環境局提出，更有環保組織著力鼓吹，政壇高人設問：「你可以話，點解唔鼓勵用更環保匯LED？但LED咪仲貴，同埋煲呔親家一樣有做！人地都有做鎢絲燈泡，咁煲呔叫人唔好用鎢絲燈泡，唔通係為咗打擊親家生意？兼且佢親家只係其中一個牌子匯一個代理商，又冇得壟斷市場，亦唔係一早知政府會咁做而大規模擴大業務。再深一層，個市場咁開放，佢親家都冇可能話一定可以借機賺錢啦！咁你點可以夾硬砌人地利益輸送呢？」
個人漁利 敗壞政壇風氣
特區政府近期似乎「度度撞黑」，連推廣慳電膽這類理應無風無浪的成熟政策，也能引出利益輸送、以權謀私的政治風波，政壇高人直言，這是政壇風氣日益敗壞的結果。有些人不是真正想如何做好事情，搞好香港，而是整天想怎樣「政治抽水」，個人或小團體從中漁利，稍微看到一些「疑似問題」就拿來大做文章。這種歪風下，早前有「河蟹事件」，沒想到今次連煲呔都「中招」，因長子曾慶衍的外父有份代理一隻慳電膽而被指「益親家」。
作繭自縛 無人肯入官門
政壇高人感嘆，這種「政治抽水」風氣再氾濫下去，作繭者都會自縛：「我諗連反對派中人都知今次話煲呔利益輸送係好難成立，所以佢地都係集中火力批評申報制度要求擴大。不過，你話官員要擴大，咁立會議員使唔使都擴大？要做就公平D，大家一齊將所有近親、遠親匯利益一齊報晒佢囉！下下有少少拉Lang都話有利益輸送，今日話你老婆匯表哥賣米，聽日話你表妹賣油，咁公共政策點樣做？邊個人肯去做？」
|
