|
李自明
行政會議昨日接納紀律部隊、文職首長級及獸醫師和律政人員職系架構檢討報告建議，約5萬人獲得加薪，由此引發的管職爭議應可暫告一段落。不過政壇高人卻提醒自明，關注公務員薪酬問題會否「一波稍平，一波又起」。此話何解？皆因高級公務員減薪的立法，仍在立法會中懸而未決，原本支持政府的白鴿黨（民主黨）態度轉趨曖昧，諸如公文袋（公民黨）之流的政黨則趁機抽水反對減薪，爭取選票，減薪方案能否通過，確屬未知之數。政壇高人話，最怕方案遭到否決，社會民意反彈，變成「政治炸彈」：「若市民到時質問，公務員加薪就得，減薪就唔得，咁仲唔係輸打贏要？」
順得哥情失嫂意 難為了Ｄ姐
作為公務員「一姐」，俞宗怡（Ｄ姐）近期可謂「當紅」，紀律部隊職系架構檢討、高級公務員減薪立法，幾個燙手山芋在手，前者獲大部分紀律部隊收貨，Ｄ姐算係「飲得杯落」。但加薪、減薪的議題，本就是「順得哥情失嫂意」，這邊廂逾4萬紀律部隊人員皆大歡喜，那邊廂幾千名高級公務員減薪5.38%的方案卻遲遲未獲通過，公眾觀感隨時「反芻」：「點解公務員加薪就咁爽手，減薪就拖字訣？！」
減薪早有共識 何必臨陣變卦
政壇高人與公務員朋友談起減薪問題，老友嘆說對減薪早有心理準備：「提出減薪�蔑}，香港經濟咁差，公眾梗係會要求公務員同市民共渡時艱。講真個句，大家都知減薪係政治需要，個減薪幅度又唔算大，高級公務員同事大多都接受咗，何必因為依家經濟好返D，就反口話唔減薪呢？」他又為「Ｄ姐」抱不平，坦言「難為Ｄ姐」既要照顧公務員團隊士氣，亦要執行行會通過的政策，更要兼顧社會公眾對公務員的觀感，還要游說立法會不同政黨的支持：「難度好高，好考佢匯政治智慧。」
白鴿黨或轉𡟼 方案成敗難料
自明近期亦收到幾位公務員老友電話，「八卦」傳媒風向，看來當局有心在高級公務員減薪上「照去馬」，卻也擔心方案在立法會「夭折」，引起民意反彈。政壇高人直言，高級公務員團體出於「會員利益考慮」反對減薪可以理解，工會議員立場強硬亦在預料之中，勢估不到自詡理性的公文袋會「插埋一腳，反對埋一份」，加上白鴿黨「觀望味道」濃烈，隨時「調轉槍頭」，Ｄ姐在立法會的堅實支持者「買少見少」：「計依家票數，個方案真係危危乎！」
高人續指，當局也明白議員為爭取公務員團體支持，為了日後的選票「反對有理」，但減薪方案涉及公眾利益及社會整體觀感：「依家個議題就唔熱，傳媒亦都唔多關注，甚至有好多小市民仲以為公務員一早減咗薪口添，點諗到原來拖咗咁耐，仲要被否決！如果到時民意反彈，大鬧公務員輸打贏要，分分鐘引發另一場政治風波，再唔係就好似D學者所講，政府個管治威信都會俾人質疑啦！」
計算選票之餘 仍須大局為重
議事堂內雖「計算」成風，但政壇高人語重心長地提醒議員「出得嚟行，預咗要還」，作為民意代表，理應以社會整體利益出發，若一味選票至上，此究竟是否香港之福，實值得深思之！
|
