|
李自明
規劃中將與高鐵接駁的武漢至廣州高速客運專線(「武廣高速」)日前試行，預計2012年可接駁全國「四縱四橫」高鐵網絡，屆時10小時內可由香港直達北京，車程縮短一半有多。這邊廂，接駁全國高鐵網的廣深港高鐵香港段，還在立法會爭論批不批建設撥款。自明與官場老友談起這個鮮明對照，老友不免感嘆：「都話一日千里，『和諧號』最高時速達350公里，3個鐘已經去到1千公里外嘅武漢。咁嘅時世，仲有人一時彈600億起高鐵太貴，一時又話高鐵站効西九唔好，更離譜係話『唔起共匪鐵路』，呢種心態加埋有政棍騎劫高鐵玩政治抽水，如果畀佢哋得逞，真係玩死香港。」
官場老友看到眼前境況，忍不住與自明細說當年：「咁多年嚟，香港人最叻係識走位搵機會。如今，有啲人最擅長咩？搞集會做『大龍鳳』，再挾所謂民意指政府計劃唔彻，逼政府從頭嚟過。」老友說，動用公帑當然一分一毫都要小心，做諮詢集思廣益都是好事，但高鐵反對者的理據，實在太多似是而非，太多無理取鬧。
假冒菜園村民抽政治油水
老友歸納，反高鐵者有「三不該」，不得不提醒市民看清楚。一不該，是不該借菜園村民之名，阻撓高鐵計劃。老友說，菜園村為建高鐵要搬家，提出生活、賠償要求好合理，政府也已經給了很優厚的補償，8成村民都已經接受了，「仲想點啫，你幾個人，就可以代表成個菜園村咩？更離譜係，前兩日幾十個人衝擊政府總部，聲稱係代表菜園村民。結果，警方抬出來嘅示威者，無一個係菜園村民。擺到明冒名搞事，醜唔醜啲呀？」
外行扮專家亂提方案愚民
二不該，是假裝專業，搞個漏洞百出、一塌糊塗的所謂「錦上路方案」，蒙騙市民：「唔講將總站設効錦上路，令高鐵遠離市區，效益大打折扣。淨計搬遷，你睇今日淨係徵用菜園村部分用地，已經有村民大鬧；錦上路咁多農地咁多戶人，多過菜園村好多倍，你自己諗吓點搞喇？淨係徵地賠償都有排你計呀！」老友直言，一個600多億的大型工程項目，當然要很慎重，專業界確實應該提出各種修正意見，甚至可以提出「反方案」，但為了否定政府方案就胡亂拼湊一個方案，實在是誤導、愚弄市民。
政治偏見無視發展大趨勢
三不該，是為了滿足自己的政治理念和利益，用一些似是而非的理由「騎劫」高鐵，阻礙香港長遠發展。老友最討厭的是，有人內心抱着政治偏見，甚至仍被反共、仇共心態左右，根本不想順應時勢，加快香港與內地經濟社會融合；但口中就裝扮成為民請命，質疑高鐵建造費高昂，質疑當局高估使用人次，令高鐵變成「大白象」。
老友話，事實上，帳根本不應該是這麼算的，因為中國以致世界各地，都因為追求效率、效益而努力發展高鐵網：「高鐵講緊50分鐘由香港到廣州喎，點會帶動唔到成個經濟發展？到時，唔單只香港人方便到內地，內地都多啲人嚟香港做生意兼旅遊，得益嘅係各行各業嘅香港人。」老友說，點樣才算負責任的民意代表？應該是為民眾將來設想，為民眾將來謀利益，「香港人過去、剗家、將來，都從同內地合作中得益；要反共、仇共，由得你自己，不過唔好靠害香港人！」
|
