 放大圖片
■狄波拉(左二)與老公鬍鬚Kong(右)和葉童夫婦已是多年的好朋友。
【本報訊】（記者 李思穎）狄波拉與老公鬍鬚Kong昨日出席馮美基第二本烹飪書《May's星級宴客》新書發佈會，拉姑又推薦多項菜式給馮美基，鼓勵她繼續推出第三本烹飪書。期間拉姑談到被指阻止孫仔Lucas加入娛樂圈而痛罵新抱張柏芝一事，拉姑立時呼冤否認其事，揚言自己沒有資格反對。
馮美基新書發佈會，除獲老公到場支持，不少圈中好友也到場祝賀，包括拉姑夫婦、專程從泰國回來的嘉玲、郭秀雲、許冠文、葉童夫婦等。
鬧足新抱個多小時？
提到反對Lucas加入娛樂圈的報道，狄波拉趁機會澄清：「近日出街被不少人問我點解鬧人，話我罵新抱叫她不要復出，我點會咁做？邊有咁匯能力去話事？佢地係大人，我只會配合，如果佢忙最多幫佢湊仔，點會有資格罵人，陳自強問我做咩鬧人，話我鬧足個新抱個多小時，我新抱點會咁蠢企効度畀我鬧個幾鐘？（你反對Lucas拍戲？）我唔係阿媽身份，我係嬤嬤，只會配合。」
為馮美基到處試菜
拉姑甘於為馮美基到處試菜，從中提供意見給對方研究推出第三本新書。問她會否獲分紅？拉姑笑說：「我幫佢做善事，無需分紅，佢得閒整餅給我吃便可以。」馮美基這次捐出數千本書做善事，笑言不是口靚模，無意搞簽名會。（怕咗班口靚模？）唔係，主要是我班朋友唔會去書展同人逼。（會否同拉姑合作出書？）唔會，佢都掛住湊孫和遊埠。」
|
放大圖片
