 放大圖片
■去年林峰的演唱會以濕身為主題，今年則以火為題。
一邊忙於準備演唱會，一邊又要準備第四張個人專輯《Come 2 Me》及首張國語專輯，8月初又要忙於為電影《翡翠明珠》做宣傳，為了做好演唱會，他特意申請放假2個月，但他口中的放假，似乎用「冇咁忙」去形容比較適合，連他自己都話1日24小時不夠用。「呢排已經算好，早些時又要拍劇、又要拍電影，24小時都唔夠用，如果唔𠳓咪夠囉！只能依靠去場地拍攝的時間休息一下，去到現在自己都問回身邊人『我現在是拍緊哪一組戲？』感覺就似精神分裂。去年的演唱會，我真正綵排的時間只有13日，所以今次我主動同唱片公司講，我希望用多些時間去準備，公司亦Hold起我呢2個月的工作，令我可以全情投入演唱會，我成日同我經理人講，終於可以放下假。好多人懷疑林峰是否有足夠的歌在短期內再開個唱，我可以好有信心地告訴大家『一定夠』。因為傾四張個人專輯時，已經諗埋咩歌可以用在演唱會中。今次新碟中，每一首都好喜歡。」
據林峰形容，每次入錄音室錄歌前夕，心情都會好興奮，甚至興奮到失眠。記者聽畢反問他有冇咁誇張呀，又不是第一次錄歌？「一點都沒誇張，每次收到新歌已經好雀躍，正如你食到好好味的食物，唔通食完第一次，你對其他好味的食物就沒反應了嗎？唔會蕂！今次新碟好玩的地方，就是某些歌你要認真去聽才知是林峰唱，歌曲類型不單有情歌，還有快歌，同莊冬昕（唱片監製）合作，希望買我隻碟的人，聽出我們成班年青人是好愛音樂，好有火。我喜歡舞台，舞台上的我同舞台下的我其實是2個人。舞台上的我很鍾意將自己鍾意的東西拿出來同大家分享。在台上投入角色，就會不期然放電，呢個是我先前不知道的，因為在台上忘我，有時甚至唔知自己做緊咩。上次同祖兒拍戲講開，原來大家是同一類人，在台下冇咩自信，但一上台就變成另一個人，感覺很奇妙！」
|
放大圖片
