|
和林峰做專訪，與其說訪問，倒不如說似敘舊。記得在他30歲生日，曾打電話畀大少，同他講生日快樂，誰知當時他在電話回應的第一句不是說「多謝」，而是說：「唉，老了！」「咁30歲又真是人生的另一個階段。自問自己是一個很幸運的人，入行到現在都未停過手。公司畀機會我去試，我就要做好。我從來不懷疑自己的能力，不是因為有自信，而是我會出100分的力，就算別人話我有幾叻，我都唔會畀自己滿分，最多只畀自己80分，因為咁先有進步空間。每一日個社會都會有新嘢，每一日都覺得自己不足夠。但其實只要你去做，就知道好嘢已經Ready！」
近年林峰受形象所限，演的總是官仔骨骨的角色，連他也覺得有些悶，幸好來緊有2套電影，有令人眼前光亮的表現。「一路以來我拍了不少電視劇，畀到自己去磨練演技，但都感到未畀到時間自己去消化。但拍電影就好唔同，拍電影的林峰有自己的靈魂，有時間去揣摩個角色，每條Line都可以諗深入些。和千嬅合作的《抱抱俏佳人》及和阿Sa合作的《翡翠明珠》是2個不同Feel角色。還有拍畢的新劇《不速之約》飾演一個喜怒無常的人，都是有相當發揮空間的角色。」
|
