關之琳性感現身 華仔嘩聲不絕

放大圖片

　■關之琳與華仔來個緊密擁抱，笑問：「可有『銀』親你？」

　近年甚少公開演出的關之琳，為了華仔入行三十年的演唱會，以性感低胸加超短迷你裙上陣，驚艷全場，見慣大場面的華仔也不禁嘩聲不絕，大美人更大開金口獻唱《明星》。

　華仔介紹紅顏知己關美人出場時說：「傳媒渲染力真係幾厲害，我真係以為會同佢結婚，我都被蒙騙，我的熒幕另一半—關之琳……」此時之之以性感裝束閃爆現身，大「騷」其弗爆身材，現場一萬二千名觀眾都嘩聲四起，華仔亦忍不住笑說：「嘩、嘩……」之之則笑問：「有無心跳哩？」隨後這對曾傳過緋聞的銀幕情侶相擁，之之還幽默地笑問華仔可有「銀」親佢，認真鬼馬。

「我地秘密了十年」

　華仔續說：「呢個三十年演唱會我係不斷搵曾經同我有關係的朋友做我嘉賓。」之之接話說：「你三十年裡面，其實我都佔�鬻A十年。」反應甚快的華仔即說：「其實我地秘密了十年，大家唔知道�恣C」華仔跟之之的打情罵俏甚懂搞氣氛，粉絲非常受落，高叫知道！華仔即答：「你地�陽琝氻U底呀？」非常搞笑。

　其後華仔謂：「我叫佢唱歌，佢死都唔肯唱，全場觀眾給她鼓勵吧……我陪你唱。」華仔特別禮待之之，拖住她手陪伴唱出半首《明星》，不單止手牽手，還�U爆地將頭挨在之之膊頭上齊齊合唱，又謂：「好似結婚咁！」也叮囑現場觀眾支持及為之之打氣，全程呵護備至。其實之之比一般嘉賓提早一日排練，十分尊重今次演出。

苗僑偉黃日華鬥Chok

　除了有紅顏知己外，更有三個好兄弟苗僑偉、黃日華、湯鎮業撐場，華仔陪同三兄弟一齊由中間台升上舞台，說：「曾經同我行過高高低低的……廣東四虎」，此時並奏起《中國人》歌曲，氣勢強勁！ 三個好兄弟百厭程度絕不遜於曾志偉，輪流搞搞震，一人一句去窒華仔。首先黃日華指住華仔套睡衣歌衫：「你莊重D好喎，著睡衣，唔怪得之依家裁縫唔做西裝，原來去做睡衣。」三哥苗僑偉就指住自己套西裝謂：「我都係著呢套�鶭梟飽I」華仔即還擊三哥：「我係『i窿』（即iPhone）同咩『博』(微博）度成日見你整個Chok樣，依家整個Chok樣畀大家睇睇。」三哥二話不說，馬上Chok樣上面，黃日華也來湊熱鬧Chok埋一份，令觀眾看得笑不攏嘴。

湯鎮業要分八口舊腹肌

　接著又輪到發福不少的湯鎮業向華仔說：「其實見你有八口舊腹肌，你唔應該自己『納晒』，應該分豬肉，每人分番兩口舊。」怎知黃日華卻搞鬼的對著湯鎮業一臉客氣的說：「唔使啦，應該係你『納晒』。」全場爆笑。連湯鎮業都忍不住笑不停，也不介意大家以他肥胖身形開玩笑。黃日華又說：「其實今晚我地代表刑警上台調查，因為收到消息，紅館呢度連續十九晚有人調戲良家婦女……」華仔沒好氣地說：「係我被良家婦女調戲先真！」

　雖然一班兄弟在台上搞搞震，但華仔很享受這份難得的友誼，提議既然聚首一堂，不如大家唱番首歌。三哥即搶著說：「來得紅館梗係唱歌，唔通淨係同你傾幾句咩……唱歌梗得，不如問下阿湯。」黃日華即語帶雙關謂：「阿湯點會唔得，佢有三個仔三個女，你話得唔得啊，其實應該請教下佢點生仔。」華仔一臉無奈謂：「仲話同我同甘共苦。」最後廣東「四虎」在台上合唱了一首《一起走過的日子》，全場觀眾和唱，氣氛熱爆。