 放大圖片
■有說蘇永康不敢同任賢齊爭做「一哥」，但小齊倒是甘於做「二奶」同一輩份的「二爺」，舒舒服服地讓康仔「包養」。
香港文匯報訊（記者 李思穎）蘇永康昨日正式舉行招待會，公佈加盟東亞娛樂旗下由任賢齊揸弗的「大岳娛樂」，並成為華星唱片公司一分子，老闆林建岳送上1985年的紅酒，正是康仔當年參加新秀的年份，象徵他重返娘家。
事實上康仔在「大岳娛樂」已經開工三個月，賺錢神速，已搵到一年要搵的一半，因而被封為「富二代」，任賢齊替康仔開心之餘，甘願做「包二爺」給康仔「包起」，由康仔負責搵錢給他。康仔當年離開華星後，先後到過多間唱片公司，他形容遊學回來重見華星標誌，分外有親切感，也變成昇華了的華星，旗下歌手尚有楊千嬅和韓紅，康仔是唯一男歌手，可說是華星「一哥」，康仔即說：「唔好咁講，『大岳』一哥永遠是小齊。」
分到一杯羹 唔會嫌錢腥
蘇永康會先推出一張Hi-Fi碟打響頭炮，主力針對國語市場，並且於今年11月假紅館舉行演唱會，最多會開三場，他說：「這將有別於Big-Four演唱會，集中配合Hi-Fi碟的個唱。」自從康仔成為「大岳」一分子，這三個月來他忙到無停手，只得今日有一天假期，康仔謂：「『大岳』在內地是間進取的公司，原本我一年裡要搵的錢，而家已搵了一半，唔係話我叻，只係公司犀利。（換言之可以賺半年錢又休息半年？）唔得，我唔會嫌錢腥，也是全靠小齊打落好深的網絡，我分到一杯羹，加上之前在『金牌大風』接下的工作都要履行，份糧出到農曆年。（既出雙份糧，又傳身價千萬過檔，可以晉身富豪榜了？）有排未到我，仲有個『許首富』。（咁你係『富豪二代』？）哈哈，都好喎，係咪要追求邊個先得？咁會畀人宰。」
看好龐維仁 梁漢文實掂
「金牌大風」在康仔離開後便發生人事大變，問到康仔是否慶幸走得快？他說：「千祈唔好咁講，龐生（龐維仁）好有系統化，把公司提升到另一層次，Elite模特兒公司都畀佢收購埋，我們不是賓主，但是朋友，並祝福舊公司所有兄弟姐妹，好多傳媒都問我梁漢文會點，其實龐生所言有理，作為生意人不會做蝕本生意，梁漢文拿了咁大筆錢做『一哥』，自然會砌得掂。」
小齊戴上康仔所送的眼鏡，寓意他有眼光，笑說這副是有色眼鏡，小齊鬼馬地說：「我對佢沒什麼興趣。」他更準備送水晶閃石電話殼作回禮。有指康仔不敢同小齊爭做「一哥」，小齊笑謂：「我做二爺，辛苦的都給他做好了，畀佢包養，像人家的二奶。」原來康仔和小齊各自在內地建校，小齊希望日後兩人一起為內地建校出力，皆因物料上漲，一起負擔會容易得多。
|
放大圖片
