 放大圖片
香港文匯報訊（記者 李思穎）Twins(見圖)為紀念入行十周年，昨日推出新國語專輯《3650》及限量版寫真集，正好跟一眾(口+靚)模的寫真集打對台，不過Twins自知無得比，全因不及(口+靚)模「噴血」。日前阿Sa趁男友陳偉霆(William) 離港前便親到對方家中一聚，知道有狗仔隊影相也不理，但阿Sa就避談在William家中「過夜」之說。
國語專輯上，阿嬌的中學老師現身，不過老師大爆阿嬌中學時期甚多追求者，阿嬌即緊張說：「你又知。」Twins今次寫真以靚人靚景為主，泳裝照欠奉，說到她們初出道時有穿泳衣，為何十年後反而不穿？阿Sa說：「因為已經十年，感覺不同，(現在要惜肉如金？) 唔係，其實當年影泳裝好尷尬，同班朋友著泳裝游水無所謂，在大班人面前著便不好。」阿嬌亦說：「唔一定要著泳裝先係影寫真。」
將一個月無得見
Twins稍後要忙於宣傳和應付演出，豈非沒有時間拍拖？阿Sa抗議說：「係呀，我剛回來佢就飛去拍戲，好慘啊，惟有靠電話，(可以去探班？)去不到，過幾日我地又要飛啦，行程表嚇死人，起碼一個月無得見。」對於有雜誌影到阿Sa上男友屋企過夜？阿Sa表示：「一定係咁寫啦，唔通話我上去十五分鐘咩？我見到記者影，都唔理得咁多，實在是太少時間見面。(係咪過夜？)唔話你聽，總之係正常情侶咁樣，食嘢、睇戲，傾偈，幫佢執行李。不過係從旁指指點點，佢去蒙古長途跋涉。」說到鄭中基指慶幸女兒不像他，問她BB是否好彩？阿Sa笑說：「最好係似媽咪的樣貌，有爸爸匯才華同智慧，咁就最完美。(咁你生仔要似邊個？)似阿嬌就好。」
|
放大圖片
