|
經區選慘痛一役，公民黨隨時面臨分崩離析的困局。在問責聲中，黨魁梁家傑卻不肯揹起敗選之責宣告「下台一鞠躬」，反而辯稱黨內沒有聲音要求任何人負責云。只可惜話音未落，即有黨員胡栢麟站出來指證早於周一已去信黨魁梁要求他問責下台，踢爆了黨魁梁「選擇性失聰」，無論黨魁梁如何解畫，都只令公眾看清他戀棧權位、不甘求去的醜陋面目。有網友就笑爆黨魁梁，笑指他已成「神檯貓屎」，倒不如移民到菲律賓。
「正常人都辭職啦」
黨魁梁「扮懵」大談「黨內萬眾一心」，企圖博過骨，但被黨友踢爆「講大話」。網友「D9394」坦言：「說『黨內完全無聲音要求任何人為今次區議會選舉負任何責任』，要人踢才落台？識唔識知恥近乎勇？」有網友認為，黨魁為區選失利引退是正常做法，不明白黨魁梁何以「強留」，「大學雞」說：「（辭職）係正常人想法，不難理解，如果勉強留任實在說不過去。」「高漲」就指：「受到咁大嘅選舉挫敗，個領袖一早就應該辭職，最衰佢開記者會又失言得罪晒啲選民，更加罪無可恕，咁都可以唔辭職就真係豈有此理。」
賴死唔走被嘲神檯貓屎
「ChekNapKok」則說：「唔怪得輸咗�膜憿A涼瓜呼籲團結啦！原來有人唔妥佢！」「ax7ax」亦叫黨魁梁莫寬己嚴人：「快啲辭職啦！你哋唔係成日要政府某官員做錯嘢要辭職咩？」「daisy1010」也笑說：「如果佢哋肯走，我拎晒6,000大元贊助機票，目的地只限菲律賓！」
「胸毛一人」則認為：「當然有人不想佢下台啦，只不過是想將發霉發臭東西，繼續擺在肛門黨內，當選舉時，就將佢攤開出來，即時肛門黨變得怨（冤）崩爛臭，成了神台（檯）貓屎。佢啲對手，簡直容易贏出。留涼瓜傑在黨內，根本上，對敵對政黨來講，簡直是福氣。」「122003」亦笑指：「梁黨灰落唔落台都無所謂，唔落我哋繼續有得笑吓，落亦無妨，反正佢個黨物以類聚，睇怕都唔會差得去邊。」
■香港文匯報記者 鄭治祖
|
