|
退伍軍人症桿菌入侵新政府總部及立法會大樓，其中立會宴會廳亦「中招」。新民黨主席葉劉淑儀無懼染病，在宴會廳午膳。她笑言，自己並不擔心染病，因為只有「有錢人及勢弱人士」會中招：「孫公勢弱咪中招囉，政府勢弱，總部咪周圍菌囉！你睇街邊啲小販身體咁健康，有冇事發生𡦃！我哋呢啲捱慣咗，冇問題嘅！」
葉太坦言自己不怕惡菌，但女兒就「成日驚」，「佢咩嘢事情都話好驚，好似農曆年話去日本北海道旅行，佢又怕地震，我真係唔會理佢」。
她又說，女兒已經返回美國繼續大學學業，並將於今年5月11日行畢業禮。由於該時期屬於「畢業旺季」，國泰該條航線是最賺錢及最繁忙的，為免無機位，故自己已經訂妥了機票，「準時」出席愛女的畢業禮：「我同環保署長王倩儀同一班機，佢個女同我個女同校，但就唔同學系，佢個女修讀傳媒系。到時我哋同一班機，同一個司機，同一間酒店，同時出席女兒的畢業禮。」
趁愛女畢業禮赴美演講
在愛女的畢業禮後，葉太還會到紐約、三藩市，向當地港人演講宣傳新民黨。由於自己會由美國西岸路線回港，故其間亦會順道到母校史丹福大學演講。 ■香港文匯報記者 鄭治祖
|
