 放大圖片
■今年是「龍」年，馬賽特別親身將圖案印於包上。
想當年參選港姐，馬賽志願是「成為成功的演藝工作者」，在她心中，幾位前輩如汪明荃、歐陽震華、劉松仁、林保怡都是學習的對象。「阿姐（汪明荃）在拍《女王辦公室》時已經同我講，要在香港站穩一定要先學好廣東話，同磨練演技，我找老師去學，多聽新聞，大膽地去講。上次上台領獎，我特意先去擁抱多謝阿姐，阿姐就答『咁你值得我教。』現在跟松哥(劉松仁)合作新劇《名媛望族》，佢會好似老師咁教我。對我來說，每個角色在當時都是一個挑戰，有時接到劇本都好迷茫，拍得唔好，自己會唔開心，成日發脾氣。現在和松哥合作，他安慰我只要用個心去演就ok。有時自己抽離唔到角色，松哥會話『演技派是當劇本同角色都差的時候，自己都可以hold住。演技派是人去拿捏角色』。歐陽震華是那種一睇劇本就知去到咩位的人。而保怡就教我演員不是讀稿機器，自己要令人物從劇本中的字粒，變得有靈魂。現在我會為自己演的人物作分析。有次保怡問我對愛看的電影看多少次，我以為5、6次已經好多，保怡話佢會看十幾次，研究人物心態。好有幸各位監製前輩教路，令我可以吸收各人的長處。」
自覺不能操控命運
3年前，馬賽以浸大傳理系學生身份在港選美，獲得季軍及最上鏡小姐。現在拿的是工作簽證，身份已由學生變成「優秀人才計劃」，也就是在港住滿7年便成為永久居民了。這天訪問間，馬賽哼起了：「如何命運能選擇。」其實命運是否真的由自己選擇呢？「細個在重慶生活，沒想到十歲跟家人搬去深圳，亦沒想到會來香港讀書，那時北京傳媒大學也收了我，但好像去香港可以見識多一點。有時不是自己選命運，是命運選自己。大家都說2012年大家應該醒悟，好好珍惜地球、珍惜家人，珍惜所有事物。我希望龍年能作多方面嘗試，除試唔同角色，亦希望試下唱歌同拍電影。」
|
放大圖片
