 放大圖片
■關楚耀與圈外女友感情穩定。
早前關楚耀獻出入行以來最激一次，為拍新歌《我還是什麼》MV，他邀來辣模Mia演出，對方更半裸上陣，相當大膽。為怕不同媒體尺度有異，唱片公司本打算另外剪輯「潔淨版」，但Kelvin寧保持MV原汁原味，亦不欲將MV剪得支離破碎。問到他不怕圈外女友Megan呷醋嗎？「拍之前已向女友備案，避免佢看到MV時眼火爆。」和圈外女友拍拖2年，感情穩定，據知已經去到見家長地步，而早前他還帶女友回加拿大見外婆。「現在拍拖，講出來整個人也感覺舒舒服服。女朋友不是圈內人，我們識咗4年，但之前只講過一句話。2010年再見面，開始傾計，然後拍拖，好自然的事。佢陪自己走過人生低潮，自己又唔係咩新鮮蘿蔔皮，有個女仔陪自己走出低谷，而且又比好多正面的意見，好難得。我們感情好穩定，現在外出工作無顧慮。有時工作不順，唔開心，女友會話下次就會好。有時佢又唔會畀好說話我聽，好似隻唱片未出已給佢聽過，佢會講出問題，好有自己態度。今年我29歲，也開始想人生大事，但起碼搞好自己事業，買樓有自己的安樂窩。所以今年可說是我重新開始的重要一步，除了推出新碟外，另方面也有電影及劇集在洽談中，希望歌影視三方面齊發展。」
|
放大圖片
