06年憑《火舞黃沙》勁晒42吋巨胸成功出位及奪得「最佳男配角」的黃德斌，多年來被視為無綫金牌監製戚其義的愛將，在去年播映的《天與地》、《4 in Love》及現在熱播的《拳王》中，黃德斌都登上男主角之位。坦白講，88年報讀無綫藝員訓練班入行，跟林家棟、雷宇揚、劉錫明、黎芷珊是同學。捱咗咁多年，黃德斌終於守得雲開見月明。「我成日都有轉行的心態，但唔拍劇，我又可以做咩呢？因為我真心喜歡這個行業。咁多年來，我對演戲的熱誠未減，好多人都問我點keep住自己心中那團火？做人真的不可能太計算，keep住鍾意已經好好，呢個行業唔係興趣行先真的很難維繫，我可以在工作中得到不同的樂趣同成果。」
放大圖片
