 放大圖片
■吳鎮宇處女下海行騷。
香港文匯報訊（記者 梁靜儀、吳文釗）韓國女星朴敏英、吳尊昨晚到會展出席英國著名時裝品牌《Vivienne Westwood2014春夏時裝展》， 吳鎮宇並處女下海以「壓軸Model」身份行騷，其他出席的嘉賓還有江若琳、謝婷婷、周麗淇、衛詩雅、馬詩慧母女及黃家強夫婦等。
壓軸上台行天橋的鎮宇，Sam哥上身chok樣行cat walk，當聽到記者以處女下海形容他首次行天橋，他即笑道：「我係都處男啦，都只係平時的行路方式，同呢個牌子係互相欣賞，佢哋好大方，曾經問佢借過衫 ，達成我今次做model的心願。」問到日後可會多接其model工作？他表示未有想過。
提到其好友黃秋生競逐演藝人協會會長一職卻被拒諸門外一事，鎮宇表示自己並非會員，不過他力撐秋生為人不會以權謀 私，他說：「用非會員身份講啦，佢個人有啲古怪，但做事出嚟個結果係正面嘅，唔會做以權謀私嘅嘢，（入會支持秋生？）我驚我鋒頭勁過佢，到時人哋選我！」
婷婷爆父親已見過Sean
近日傳出與戴尚安(Sean)蜜運中的謝婷婷，昨晚單拖現身，而大會最後亦表示Sean未能出席，二人巧妙避過同場。問到婷婷是否避開與Sean同場？她帶笑說：「唔清楚安排，我都係嚟睇show，不過佢就應該唔喺香港。」被問到認定了對方未？她笑謂還未。至於會否帶阿Sean返屋企拜年？她自爆爹哋謝賢已見過Sean，她說：「其實爹哋在街見過一次，報道出咗後有問我係咪佢，可能嗰日阿Sean着得好靚仔有印象，不過媽咪就未見過。」
婷婷與舊愛安志杰(Andy)雖分手多時，但有傳婷婷要拿回與Andy一起養的狗仔？婷婷否認道：「我同Andy係好朋友關係，佢唔喺香港我都有去佢屋企探狗仔。」
江若琳打孖底嚴防走光
江若琳（Elanne）日前日前穿上黑色短裙到同一場地出席時裝活動時，被地下的鏡子反映導致走光，昨日「舊地重遊」，問到她可會有陰影？Elanne嘆氣說：「唉，一早封咗咪好囉，都唔知邊個咁有腦設計成咁，好唔開心耿耿於懷囉，已經好小心，但個感覺就好似喺地鐵畀人影裙底咁，但嗰啲可以報警拉佢哋。」
問到可會作出投訴？她表示已交由公司處理，希望有個交待，因為這對女性是一個好大的傷害。 雖然發生了走光事件，但昨日她仍穿上短裙？她說：「我已經打咗孖底。」問到她有否為此事而哭？她表示當晚養了多年的愛犬逝世，在雙重打擊下哭了數晚。
此行會在港逗留兩天的吳尊，問到是否要趕回去湊仔？他笑道：「還好啦，就是工作嘛，下午也挑了不少衣服，挺喜歡。（有挑童裝嘛？）我知道有的，但可能賣光了。」他又表示新年會返汶萊度歲。而吳尊及朴敏英昨日下午先後到品牌銅鑼灣店看新款時裝，吸引二人不少粉絲到來，將店鋪圍得密麻麻，而朴敏英到港後即從機場坐車到來，更在雙黃線禁區上落車。
|
放大圖片
