林德信 Mandy Lieu 不避嫌互笠高帽

放大圖片

■林德信指第一眼見Mandy Lieu已覺得她靚女。

香港文匯報訊（記者 梁靜儀）林德信（Alex）昨日與身穿緊身露背短裙的名模Mandy Lieu出席品牌活動，二人很久前曾被拍到一起夜蒲，昨日同場二人更不避嫌互笠高帽，Mandy更為Alex有份演出的電影宣傳，她說：「想去戲院欣賞Alex有份演出的《喜愛夜蒲3》。」Alex亦禮尚往來：「你套《愛尋迷》我睇咗預告片都好想睇，你都拍得好激喎！咁主動？」

Mandy坦言希望可與Alex合作拍戲，Alex搞笑反問：「拍呢啲（親熱戲）？」他表示之前與Mandy一起為雜誌影相，她的甫士好勁，功夫好叻，掂到她的肌肉好結實，都想與她合作拍動作片。Mandy亦大讚Alex的肌肉都不差，Alex又大讚第一眼見到Mandy已覺得她是靚女。問到Alex如此大讚Mandy，可擔心緋聞女友松岡呷醋？他即笑謂不懂回答。Mandy即幫手向松岡派定心丸說：「我們是好朋友，松岡唔使驚。」

出道以來緋聞傳過不停的Alex，對於近日又再傳出緋聞，他無奈的說：「仲傳到我好似『升咗呢』咁，話我搞Auntie，睇嚟我目標都係要搵啲年紀大嘅，成熟啲好玩啲。」記者即笑指Mandy年紀似乎大過松岡，她即澄清自己與Alex同年。

Mandy表示今年會搞情人節Party，人人有份。再問Alex有沒有想好情人節禮物？他則表示忙拍新戲沒有時間。講到本月30日是其緋聞女友松岡生日，問到Alex會否趁年三十帶女友回家團年？他即推說近日忙於拍戲沒時間。Mandy即搞笑稱會趁情人節叫埋Alex同松岡一大班朋友開party。