邵氏影星分享當年點滴 狄龍讚六叔為人風趣

放大圖片

■狄龍（中）表示邵逸夫是位貴人。

香港文匯報訊 邵氏影星狄龍、凌波、金漢、鄭佩佩及惠英紅近日亮相nowTV製作的《邵逸夫影城傳奇》，講述昔日拍攝邵氏電影的生活點滴，及分享對邵爵士的感覺。

邵氏一代巨星狄龍形容只演一類角色的演員就如溫水煮蛙，所以當年他不斷嘗試演繹不同類型的角色。狄龍又形容邵逸夫是位貴人：「富貴、長壽、康靈、好德、善終」。他提到當年對六叔的印象是：「啲人見到佢就好驚佢，見到佢會叫Good Morning Boss，佢就話唔好叫我Boss，叫我Young Man，咁風趣嘅！佢唔會話點你做嘢，但有三樣嘢坉讔曋N，佢唔鍾意食煙，唔鍾意遲到、唔鍾意人嘴啫啫。」

凌波提到當年拍《花木蘭》時，邵逸夫曾親口指她會成為邵氏最頂尖的女星。凌波認為邵氏製作過很多好電影，讓各地華人獲得正面娛樂，又形容邵逸夫「有眼光、有遠見、有魄力」，絕對是位值得懷念的好老闆。

香港第一代武打女星鄭佩佩當年拍《大醉俠》時只有19歲，這部電影對佩佩姐影響最深，她解釋說：「因為《大醉俠》之後公司就定咗我嘅型，認為我應該要拍武俠片，應該做俠女。導演胡金銓佢都係第一次拍武俠片，所以好多嘢大家一齊研究，當然佢係教咗我哋好多同武俠片有關嘅嘢。」

要求好高 NG百幾次

惠英紅就表示：「對我嚟講每一套都好深刻，因為每一套都有血有淚，當時要求好高，一個動作拍兩日，可以NG百幾次。如果真係要揀，我最深刻嘅梗係我喺邵氏最後一套動作片《五郎八卦棍》，最主要係因為當時我最好的朋友傅聲過世，所以佢的戲份就由我去演繹，而呢套亦係邵氏最後的古裝片，有啲鏡頭我係用生命拍出嚟，因為當時要喺真馬嘅馬肚底拍一啲動作。」惠英紅表示在馬肚底下拍攝的難度高，隨時可能被馬踢斷身體各部位，過程非常驚險。