 放大圖片
■劉雅麗(中)與其母(左)接受吳綺莉訪問。
香港文匯報訊 劉雅麗早前攜母齊齊亮相節目《陳啟泰．吳綺莉 不老的傳說》，接受吳綺莉訪問，不單談及困擾劉雅麗多年的皮膚問題，還大談她的感情觀。
劉雅麗坦言羨慕父母的感情如膠似漆，「佢哋到現在都係好sweet、好sweet；我現在心態好懶，覺得有無愛情都無所謂。」媽媽聞言即時緊張打岔道：「係喇！你等天跌落黎畀你！我身邊啲朋友個個都抱孫，我就心都酸埋；我現在只係希望你的緣分快啲嚟。」
劉雅麗曾長期受皮膚問題困擾，「人哋18、19歲最靚，我就最醜，我18至21歲係塊面暗瘡全面爆發期，那時新秀歌唱比賽嚟演藝學院揀蟀，我去試音，都未唱，已經畀人話：『你肥咗啲喎，皮膚又差咗啲喎！』，那時連阿媽都話我咁嘅樣唔洗旨意有人搵我唱歌。」劉雅麗分享心目中「不老」心得，「我覺得正面思想最重要，咁樣先可以從內到外容光煥發，我都經歷過工作低潮，99年到2000年唔夠嘢做，成7、8個月無工開，我都無晒自信心，不過我個人乜都同人講，所以唔會有情緒病。」
劉雅麗與媽媽關係十分親密，劉雅麗表示：「媽媽係我最好的朋友、經理人、助手、甚至係表演嘉賓，我開演唱會要去換衫，都係靠媽媽唱住先，頂住先。」
|
放大圖片
