 放大圖片
■Chilam邀來太太擔任嘉賓，期間靚靚多謝老公為家庭事業的付出。
香港文匯報訊 張智霖《Chilam Crazy Hours Live 2014》演唱會前晚來到第二場，繼首場「影帝」張家輝擔任表演嘉賓後，第二場的嘉賓更為重量級，她就是張太袁詠儀（靚靚）。靚靚在台上大讚Chilam為了事業、家庭，不停在鞭策自己，如今終於獲得認同，登上一線地位，期間她更感觸灑淚，更自豪地說自己沒嫁錯這個人。
前晚捧場的嘉賓計有杜德偉、蘇志威、丁子高、樂易玲、HotCha的Crystal及Winkie、林二汶等。
袁詠儀以一身型格打扮，選唱偶像梅艷芳的《夢伴》出場，全場氣氛熱烈，但靚靚只唱了數句即嗌停音樂，場面搞笑。面對逾萬名觀眾，靚靚突有感而發道：「其實張先生一直以來也知道我好鍾意在紅館唱歌，講真，以我的歌藝真係有啲難，所以今次佢話請我做嘉賓，我二話不說的答應了，我立即去選歌、選衫，因我驚佢會反悔。我練咗一日歌才發現好難，我又要記歌詞、又要記舞步，我才開始明白到，原來做一個演唱會真係好難。」
喜歡人稱張智霖老婆
靚靚又表示要跟Chilam講聲「對唔住」，因為在過去這兩個月，亦是他綵排如火如荼這兩個月，她則要去青島拍戲，變相Chilam除要應付沉重的工作外，還要應付屋企的大、小事務，「開頭我也有點擔心，問他『你掂唔掂呀！唔掂我可以唔去』。他即刻話每個人也需要工作，唔好因為他的事，而影響你的決定，那我當然即去賺錢啦！回到家，我見他處理屋企的事務全妥妥貼貼，見到我阿媽面色好咗，個仔又肥咗，只係得他瘦咗好多！」
靚靚指她返到香港第一晚，即攬住老公，豈料他比她還要疲倦，昏睡得動也沒動，靚靚於是哄埋去錫他。談及此，靚靚開始不禁哽咽說：「但我只聞到藥油味，那一刻我望住這個沉睡的人，我覺得他為咗事業、為咗家庭，他不停在鞭策自己，我再一次同自己講『我無嫁錯這個人』，我哋當初在一齊的時候，好多人也將我哋來比較，稱呼他為『袁詠儀男朋友』，但係今日啲人在街上見到我，會講『佢係張智霖老婆』。」全場即時歡呼拍掌。
取笑靚靚還是演戲罷
靚靚續說：「我覺得自己一路等的係這個稱呼，同埋今日這樣，所以我要多謝他多年來對我的不離不棄，多謝他對我亦師益友，多謝他的正能量和幽默，多謝他畀咗個溫暖的家。」這時，Chilam已經拿住紙巾上台，靚靚見到Chilam即淚流滿臉，並向他說：「多謝你，老公！」場面感人。
可是Chilam卻取笑靚靚：「點解你啲歌詞咁，連一句也唱唔到，一個藝人並唔係咁易做，你真係沒入錯行，你也是繼續演戲啦！」不過，Chilam表示好多謝太太擔任其特別嘉賓，隨即唱出《今生今世》送給愛妻。靚靚又回復搞笑本色：「我未試過在紅館行一個圈同觀眾握手，好想試下。」Chilam亦陪伴靚靚在台下走一圈，大批觀眾即衝到台前跟靚靚握手。
現場又加插求婚插曲，一對專誠來港看Chilam演唱會的情侶，男方暗中透過微博私信Chilam，希望Chilam能協助他在演唱會向女友求婚，於是Chilam在現場跟過萬觀眾齊齊見證，男方向女方求婚成功，Chilam亦送上《分分鐘需要妳》祝福。
|
放大圖片
