 放大圖片
■謙仔相約了女友胞姊楊卓娜出席。
香港文匯報訊（記者 梁靜儀）羅仲謙（謙仔）有份聲演的電影《泰山3D》前晚舉行首映禮，謙仔沒有相約女友楊怡去睇戲，反而相約了女友胞姊楊卓娜一家出席，楊卓娜表示妹妹要開工，所以未能出席。問到謙仔是否叫楊卓娜做家姐？他笑說：「叫娜姐，叫家姐嗌到好大，明明大家差唔多年紀。」問到是否因他大隻而被看中聲演泰山？他笑道：「泰山大隻啲有型啲，如果有真人版，我定會加操（大隻），（只披一塊布演出都可以？）無問題，一定會打底，無論點打塊布都唔會飛起。」
提到近日有報道指楊怡買樓準備與他結婚？謙仔代女友澄清，指女友只是用作投資。問到他可有夾錢？他說：「我無夾錢呀，不過有互相交換意見，因為自己打算一年內買樓投資，（第一次投資？）係呀，不過暫時未睇樓！」問到他何時才買樓結婚？謙仔表示如果結婚的話會買一間理想的房子。
王俊棠回應鹹豬手事件
另外，近日捲入疑似「鹹豬手」李詩韻事件的王俊棠，前晚也有出席首映禮，當被記者追問到有關傳聞時，他顯得相當迴避，之後問到他可有搵過李詩韻傾返件事？他無厘頭答：「十一月七日我會喺屯門大會堂有演唱會，（你請了李詩韻出席？）我無請任何人睇。」之後他才表示事件已過去，無話可說，無必要搵李詩韻，因為只是個誤會。又問到李詩韻是否知道是誤會一場？他說：「我覺得唔講好過講，我無嘢好講，係誤會，乜事都無。（李詩韻都相信你？）你哋自己問返佢。」說到女仔對這些事會比較敏感，加上她現時又有男友，可怕對方會介意？王俊棠不耐煩地回應：「唔清楚，件事最好算數，OK？」
|
放大圖片
