文匯精選：糖黐豆增程有權爆

放大圖片

上個禮拜靚人靚馬雲集馬場，唔知係咪一批有分量騎師停晒賽，好似韋達、潘頓冇份上陣�黈伬唌A賽果突然間變成歐洲騎師天下，法國騎師巫斯義又中三元當騎師王，另一位歐洲騎師杜滿萊，第一日客串冇料到，點知熱一熱身即刻發威連數三場，仲贏埋個婦女銀袋，殺到尾場，郭能騎隻兩倍大熱門「美麗大師」，終點前力擒杜利萊「火紅人」，英國騎師騎贏法國騎師，點都好呢場唔係杜利萊贏就係英國好手郭能贏，呢一日歐洲騎師果然犀利，當然，馬迷諗住有架贏馬機器莫雷拉�鰜蛂A點都會贏番兩、三場頂住呢批歐洲過江龍，但世事���洁A劇情唔係好似大眾馬迷一廂情願咁編排�鵅A按住大家咁諗發展落去，雷神替蔡約翰贏完隻「明多多」之後，連場大熱門，用放大鏡都搵唔到，如果諗住以佢為搵錢扶手棍，呢次可以話變成�咿R籐。

點解一時之間呢批歐洲騎師惡得咁緊要，有經驗之士作出細膩分析，純粹路程問題，眾所周知，歐洲騎師最拿手跑長途，意大利籍杜滿萊上個禮拜日所贏三場，兩場千八米，一場千二米，至於巫斯義所贏三場，其中一場屬千八米，兩場則屬短途，基本上呢次婦女銀袋賽馬日所編三場長途全部由歐洲騎師擸晒，未來呢個環境，一跑長途，尤其大長途，相信大家識得點執生搵目標。

講番今次夜賽，又係有場大長途二千二百米，由五班馬角逐，雖然出馬唔多，但揀心水都咪話唔頭痛，方廄「糖黐豆」今季跑三仗，雖然無上名，但呢三仗中距離走勢仗比仗近，講狀態愈來愈靚，由於馬房突然間安排佢跑大長途，大家冇賽績跟，即使換上巫斯義跑必定有多少分頭，翻查巫斯義曾替方廄「手機皇」一落五班跑谷草千八米就爆冷開胡，呢隻「糖黐豆」分分鐘係翻版之作。