冠軍馬房方嘉柏今季氣勢如虹,贏馬如斬瓜切菜般簡單,至於方嘉柏向來喜在谷草出擊,今次在主場合共派遣七駒參賽,上陣馬匹質量俱備,台前幕後均睇好會有頭馬進帳,而消息最勁是「紅簿仔」,這匹四歲馬今季經已跑過四場,上月中曾配潘頓於谷中一哩不敵「帝聖神駒」得亞軍,足證狀態全面復勇,上次人馬重來再跑谷草一哩,但排九檔起步關係,轉彎三疊又遇到慢步速場合不利追,最終跑第六名,只以一個馬位負於頭馬「綻放美麗」,是輸形勢並非實力,馬房方面亦感深深不忿,今次匆匆再用王牌替隻馬報名,相信幕後絕對不會三心兩意,必定把握機會爭取頭馬。
|