|
徐雨石於今次快活谷賽事屯駐重兵，如蒙幸運之神眷顧，好有機會連場數胡，增添頭馬進帳。最近剛勝出的「四喜滿堂」、「太陽戰士」及「愛寶」，今次再戰贏馬路程，徐雨石對前兩駒的機會最睇好。
「四喜滿堂」剛戰在快活谷四班一千米季內首次上陣，以一放到底姿態取勝，今仗上三班一千米再戰，練者說：「馬匹的質素唔差，在三班仍有上升空間，同父系馬『萬事勇』目前身居二班，但此駒健康並不穩定而影響進度，所以至今出賽唔算多，現時健康受到控制便開始進步，今戰在三班負輕磅角逐有利，賽後復課狀態有增無減，如順利出閘，交出銳利的速度，在前領放，好有機會再次直領到底，取得連捷。」
季內上陣兩仗，一場比一場進步，剛戰在快活谷三班千二米有好演出，取得今季首場頭馬的「太陽戰士」，今仗在同程再上陣，徐雨石說：「雖然馬兒已七歲，但在陣上仍有頑強的鬥心，戰鬥力未見退化，剛戰勝後雖然評分和負磅均增加，但狀態依然保持大勇，而且今回對手實力唔算太強，沒有超級分子在陣中，希望能夠順利出閘，可以貼欄領放，趁勇再下一城。」
|
