 放大圖片
■現年45歲的戴蘊慧(左)保養得宜。
香港文匯報訊 有線節目《往事．並不如煙》主持楊思琦邀請邀得40歲出頭便成為祖母的戴蘊慧擔任嘉賓，分享早婚的經歷。
戴蘊慧15歲便參加歌唱比賽入行，加入唱片公司，當時公司內男多女少，因而結識了很多男性朋友。戴蘊慧表示：「當時爸爸（戴思聰）管教相當嚴格，因為黎明係爸爸徒弟，所以我哋比較好朋友，而爸爸又很放心我哋去街，因此那陣先會傳出緋聞，其實我哋只係好朋友。當時我同梅艷芳及劉德華都係好朋友，仲因為屋企反對我同一個男仔拍拖，我搬咗去阿梅屋企住咗一星期。」
戴蘊慧年僅21歲便決定結婚，原來這段姻緣是透過相親認識的。「我透過我堂姐夫認識我的前夫，因為媽媽較為傳統，覺得我廿幾歲未拍拖，驚我嫁唔出，所以幫我安排相睇。前夫足足大我13年，佢好識照顧我，亦都好愛我，那陣唱片公司競爭很大，等到心灰嘅時間，佢又向我求婚，所以我答應佢。」戴蘊慧坦言：「當年嫁到新加坡，不習慣當地生活，天氣唔慣，又無晒朋友，加上前夫開始想管我，我唔鍾意咁嘅生活。」戴蘊慧的婚姻雖然只維持了短短的6年，但直至現在與前夫的關係仍保持良好，感覺更似一家人。
年僅45歲便當祖母的戴蘊慧又覺得愛情是看緣分的，所以她亦勸勉兒子：「無話早婚一定唔好，最緊要雙方溝通得好，都係睇緣分吧！」
|
放大圖片
