資料速遞：詠彩繽紛全力爭分

「詠彩繽紛」首戰即落票贏千四米，早段居後好整以暇，只衝一條直路群駒便無法抵擋，姿態近乎讓賽反映有質素兼成熟度十足，上仗因為杜滿萊停賽關係易配羅理雅，起步跟前直路再彈離身後對手連捷，一連兩場贏千四米唔同騎師採取完全不一樣戰略，根本是大超級馬，此駒已經報名跑應屆打吡，目前評七十分梗係唔夠數，部署密跑肯定係想贏馬加分向打吡進軍，復課跳踱完整無缺，準備工夫比起之前兩勝更積極，今次升班但對手不太強，按馬匹目前大把虛分在手肯定無有怕，今次順利再下一城的話，可為日後進軍打吡之路打好基礎。