資料速遞：比卡超升班繼續贏

霍利時馬房的「比卡超」今季五度上陣全取得獎金，雖然季內已經贏了兩場千四米，分別是擊敗「神聖火炬」及「碧科」，但因為郭能匯報馬匹衝刺時尚有內閃的傾向，所以霍利時要替牠加眼罩上陣，但馬會要佢戴罩試閘有好走勢才批准用來正式出賽，試了兩次大閘後今次終在大賽日再派遣出戰，屆時陣上一定會好好睇睇，雖然此駒年方四歲可以出戰一系列四歲馬大賽，但馬主團體成員早已決定季內餘下賽程部署，就係唔會出戰應屆的香港打吡大賽，因為對手份量實在太強，反而馬主就一心希望「比卡超」今次能勝出二班賽事，以獲得馬會的特別獎金，所以今場戰意絕對不用懷疑。