女人睇男人，又或者男人睇女仔，基本上各有所好，咁馬主搵馬又點？其實都有本身既定模式，就好似阿叻陳百祥咁，佢對父系「馬足」向來情有獨鍾，如佢一手買入名下的「莫己若」，又或代朋友買入「豹顯神駒」、「先鞭直前」等等都係「馬足」子嗣，另一匹同樣由佢經手，周歲買入後再轉讓俾老友馬主余傑英的「星夢」，雖然唔係「馬足」子嗣，但來港前在新西蘭試兩次草閘都贏晒，但可惜因為傷過腳要休養，等到今季才上陣，上次田草千四成為十七倍冷門一放到底，睇直路未識轉腳，反映仲有好大進步餘地，無意外可以再下一城。
