放大圖片
自從前季尾馬會改例,練馬師每季埋單時贏馬至少十五場,贏唔夠數者亦要有十三或十四場兼獎金過千五萬,始可逃出警戒線,對幾個長期處尾列馬房真係危危乎唔易應付。練馬師吳定強向來頭馬唔多,近季通常十幾廿場貨仔,但旗下馬勝在有分數在手,每當有心出擊好少失手,無他鵅A擁二班實力落四班跑,四班夠贏就落到五班先郁手,唔係傷病跑唔番者,有咩理由實力不如人,好似早前「金珀龍華」在田草千二米壓倒眾矢之的大熱門「活力寶」爆半冷,贏馬得手捧盃令幕後名利雙收,可見吳廄馬搏殺起上來唔係講玩。今次谷中夜賽,自購馬「帶寶來」在上手呂健威馬房跑四場全部三甲不入,原本減好晒分部署,點知幕後卻拉去吳定強馬房,吳定強就行運醫生真係醫病尾,上次易廄久休七個月復出跑谷中千二得第三,難得賽後一分不加,今次操好再來換上紀仁安,食住條水博贏番場應該唔難。
|