 放大圖片
■城城帶動校長跳得起勁。
香港文匯報訊 譚詠麟(校長)演唱會前晚舉行至第12場，這晚他邀來舞台王者郭富城擔任嘉賓，兩人合唱一曲《愛情陷阱》，勁歌熱舞一番，掀起全場高潮。之後城城再獨跳一首《狂野之城》更令全場觀眾起身共舞。
是晚的座上客有徐小鳳、陳百祥、黃杏秀、王晶、袁詠儀(靚靚)等，於逗利是環節，眾好友當然不能倖免，校長還當眾向王晶追討利是，靚靚就像粉絲們般主動送利是換取握手。
當校長唱了第一句首本名曲《愛情陷阱》時，城城於台側出場，邊舞邊唱，更帶動校長亦跳得起勁，半途校長更high得脫去外套，與城城不斷扭動身軀，一曲唱罷，兩人立即相擁，城城就笑謂：「我細細個就聽校長唱歌啦。」校長說：「我童星時啊？」又笑問城城為何選這首歌來唱？城城自爆說：「我印象中，我入行時做緊dancer，校長你當年攞金曲時我有份跳！」校長亦想起：「85年嘛！所以話英雄莫問出處，跳舞都係一種才能，仲可以出人頭地去到現在嘅天王，大家畀啲掌聲。」城城立即答謝校長，又謂：「校長係我一生的學習對象。」之後校長又爆與城城另一個不為人知的秘密，兩人都是「晨曦B隊」的左右中鋒，城城說：「係呀，我交波畀校長，校長就射門。」校長說：「你好犀利喎，左右腳都得。」城城謂：「現在左腳廢咗啦，之前傷咗靭帶。」校長問：「右腳呢？」城城答：「右腳無問題，仲可以踢！」校長又鬼馬地指着城城雙腿間問：「咁中間呢？」城城醒目地說：「肺？定心口啊？」
|
放大圖片
