 放大圖片
第一場、第五班、一八○○米。「精彩時機」賽過十八仗都未贏過，不過今季連場跑近，相信隨時能夠反彈，翻看季內311總場次配田泰安出戰此程，排九檔起步大半程留守在尾二位置，在直路卻是全棚馬衝得最勁的一駒，可惜未能追得過全程守好位的「綠野仙踪」及「南莊多寶」，但能擒下其後再出能提升名次的「醒少少」，反映本身呢席第三水準唔錯，今次對手仲弱，跑番呢場水準已夠贏。
第四場、第三班、一六五○米。「威利飛越」今季跑咗七場都未能贏馬，但演出明顯較上季好好多，起碼有三場可以取得獎金名次，尤其是季初於谷草二班千八米能跟「活力奔騰」單打獨鬥，最終僅以半個身位見負而屈居亞軍，足見呢隻英國自購馬並非平庸之輩，今次出戰三班賽，對手是季內所遇最弱一趟，只要鞍上人臨場鎮定行事，發揮上唔出錯的話，相信是有機會贏馬破僵局。
第六場、第三班、一六五○米。「首飾多寶」至今四戰此程得冠亞季各一，另一場亦跑第五，季初於同程以鼻位壓倒「帝聖神駒」，後駒其後於同程擊敗「金獅快將」補中，反映「首飾多寶」呢場頭馬是高水準之作，贏馬後頻轉路程及場地，好明顯是部署減分，現評分比起季初贏馬時低一分，並重返贏馬途程，又是動食指時候。
|
放大圖片
