蕭芳芳湊孫樂

放大圖片

■紅姑（左三）和芳芳姐（左一）難得同場。

香港文匯報訊　韓國一個護膚化妝品集團舉行慈善義賣，護苗基金是受惠機構，蕭芳芳、 鄭裕玲、鍾楚紅前晚出席活動，芳芳姐大讚鍾楚紅保養得很好。問到會否希望跟鍾楚紅合作？她說：「希望有機會合作，等自己好番先，我耳仔成日有耳鳴，冇辦法拍嘢。」

心情大好的芳芳姐與記者分享湊孫樂：「我個男外孫22個月大，好可愛，我同佢一齊唱歌跳舞，佢有時喺梳化碌來碌去，佢一嚟就會叫我『起來』，好得意。我有教佢用手語溝通，佢𠵱家識講好多普通話同英文。又學大人講話，真係好好玩。但因為唔夠精神同佢玩，每周見佢一次。佢𠵱家去咗夏威夷，好掛住佢，佢係我嘅驕傲！」剛度過生日的芳芳姐，透露生日當天與女兒在家中食飯，先生因要教書而不在家中，今天出席活動當慶祝生日。

提到芳芳姐希望與她合作？紅姑說：「佢𠵱家專注社會公益活動，以佢嘅健康狀況嚟講，用咁多精力為社會服務，係女性嘅典範。」鍾楚紅自己今年計劃出第二本攝影集，題材環繞香港，亦會收錄更多個人的相片。