盼政改和氣 「成就大我」

香港文匯報訊（記者 顏倫樂）香港政制發展舉步維艱，恒地主席李兆基昨日被問到相關議題時，認為香港人必須有「犧牲小我，完成大我」的精神。他又多次強調，香港地理位置優越，只要保持金融中心的地位，香港就有前途，「新加坡都冇我哋咁好」。他又批評：「而家有班（人）淨顧自己唔顧大局，如果肯犧牲，香港就好好。」

四叔說：「而家香港人最緊要犧牲小我，完成大我，少數人服從多數，先可以令香港有好處。政治左搞右搞無好處，大家應該相就下，和和氣氣。大家一條心，香港就會有前途。如果香港可以保持國際中心地位，會好過新加坡，新加坡將來都冇我哋咁好，因為香港地理環境背靠內地，商人雲集，發展經濟的話，新加坡都唔夠我哋香港地位咁好。」

他認為，只要香港能好好發展經濟，市民自然能豐衣足食，安居樂業，繁榮穩定：「但而家有班（人）淨顧自己唔顧大局，『犧牲小我，完成大我』係一個辦法嚟，如果佢哋肯犧牲，香港就會好好。」他說：「希望記者能叫人放開啲，唔好咁多拗撬，政制希望向好的方面去處理，若搞唔好，香港亦唔好。」