穿梭馬場：友瑩格富貴逼人來

放大圖片

繼「靚蝦王」、「牛精福星」、「精英大師」及「極奇妙」之後，「友瑩格」（圖4號）新勝高松宮紀念賽，亦成為第五匹日本一級賽香港冠軍，表現令人讚賞，呢一役「友瑩格」差不多贏一億日元，雖然港元兌日元匯率低�驉A折算都有六百二十萬港紙左右。能夠買到「友瑩格」，係每位馬主都夢寐以求，但唔知大家又有無諗過，當初「友瑩格」在港放盤，好多有籤在手馬主都唔吼，只得現時馬主楊毅一個相信，點解咁講？話說二○一二年中，「友瑩格」在外地於三歲處女馬賽一出即贏，且係收韁贏兩個幾馬位，既見到質素對辦，馬主蘇利雲好自然彈俾大佬蘇保羅，睇�鵀陬L旗下馬主有興趣，畢竟紐西蘭賽事獎金低，賣�攥窈s出路係好正常，當地馬主及練馬師亦都個個咁做，咁尤其蘇保羅在港，肥水梗係唔可以流別人田！問題係對方想賣，馬主又唔一定肯買，「友瑩格」在紐西蘭由蘇保羅細佬蘇利雲擁有，由於準備賣，手續上要搵獸醫做健康報告，點知唔照由自可，一照發覺腳筋有個窿仔，且存在多時，雖然證明唔影響戰鬥力，但買家對此都望而生畏，任憑蘇保羅點解釋都無用，只得楊毅一個只要信不要問，「友瑩格」上季起即扶搖直上，所以話富貴逼人來，都要馬主肯受至得。