|
「聰明申報」本身出自短途種氏「盡善盡美」，在英國七戰獲一冠兩亞一季成績，在當地的金頓馬場贏過膠地一千米，前次跑谷草千二米唔聲唔聲嚇你一驚，落到四班即刻擺到最前，並採取放頭跑法，差少少就俾佢一放到底，十幾倍獨贏就想「監生吞」，而且幾乎擺到落口，點知最後俾「光輝之星」及「海紅寶」一對馬雙雙越過，最終連Q都撻埋，只能跑得季軍而回。上次再出同日有千二米唔跑，特登跑短二百米，氣量要求降低之下，果然縮程順利一放到尾，以半個身位擊敗「悅欣賞」取得在港首場勝仗，今次升班負磅減輕更好跑，加上曾在三班直路賽上名，肯打硬仗，再贏應無難度。
|
