 放大圖片
（第一場）「天狼星」近三場於不同場地及路程取得上名，證明近態相當弗，至今仍未能出頭，肯定不服氣，今次扳到莫雷拉可謂人強馬勇，應可一嚐贏馬滋味。
（第二場）「赤膽」剛戰票數軟弱果真擇使，同前次的表現簡直判若兩駒，有理由相信不是真輸，季內只賽過兩場體力充沛，回配莫雷拉，打硬仗必屬爭勝之材。
（第三場）「澤心星」一出即贏，但其後成績卻徘徊，睇番近仗體重次比次輕，唔排除此駒屬於孱仔馬一族，今戰專登抖番夠，用意正面，值得盯緊。
（第四場）「奄尖大少」除非不想保留，否則以現評分到季終就要硬性被淘汰，戰意包保唔使估，過往在同程成績佳，素有專家之名，恃輕磅提防施冷箭。
（第五場）「飛翔星」馬房呢輪起勢係咁追數，唔經唔覺距離上岸僅差些少，目標很鮮明，而此駒絕對是廄內近績最可靠的一員，續可肩負重任。
（第六場）「聰明申報」上仗段段快開下竟直領到底，倘若今戰維持此等速度，縱使是升班角逐，但相信亦未必會有馬夠佢快，依樣劃葫蘆，可謀連捷。
（第七場）「精算率然」咪以為上場入Q靠形勢之助，相反當晚頭兩段開到超快，此駒能夠放得咁快竟唔斷，難度極高，一於繼續博進步，馬膽不作他選。
（第八場）「連利之星」之前成日都贏唔到，但自從踏入今年後開始轉運，一口氣連奪三項賽事冠軍，表現出色，復課仲拉去試閘，而且走勢相當引人，繼續強配莫雷拉，看動態是有決心趁勇贏到盡。
|
放大圖片
