一矢中的：心有靈犀瞄準強項

放大圖片

李易達自從三月憑「金筷子」贏馬後取得九次第二，一直未能贏多一場，不過剛戰終守得雲開見月明憑「永常勝」贏馬，為李易達取得季內第十五場頭馬，令下季他要續牌不成問題，今次睇好佢馬房的「心有靈犀」。「心有靈犀」在上手蘇保羅兩季共六戰，唔好話上名，連近都未試過，點知今季轉去李廄熱身一場後，翌仗在元旦日跑田草千八爆五十四倍開齋；勝後遇上慢步速不合發揮落敗；到二月尾轉跑谷草四班二千二百米，在楊明綸胯下後上力壓「勝風」爆十七倍獲第二Ｗ，證明本身屬長途健將，兼且予人愈戰愈勇之感。最值得注意是此役「心有靈犀」早段留守後方，頭三段步速極快，較標準時間快秒半，表面看係快步速受益者，但事實本身早於第二段開始已造出高速，而且衝刺勁勢持續到底，末段更造出全場最快時間埋尾，姿態有餘未盡，近兩次轉沙田縮程只係過渡性質，現返谷中勝途可再贏。