專攻冷馬：公証揚聖班分俱利

放大圖片

第三場、第四班、一○○○米。「金紫荊」出道至今累積九冠四亞九季，當中在谷草一千及千二米就佔�髐K冠四亞六季，谷草短途怪傑之稱號當之無愧，除窄場性能突出外，最難得是九歲馬戰鬥力竟然無退化到，上季八歲仲可以贏三Ｗ。今季雖然未贏馬，但八戰有六場跑入前五名，大前仗更於此程跟「星星星」�鶷袌I前影相，僅以鼻位分勝負獲亞，證明今場是有冷敲之道。

第四場、第五班、一六五○米。「公証揚聖」上季�鬘|班谷草千二米�鬗@個無可能贏的位置，直路踩段全場最快拉士掃低晒「多綵」同埋「回鄉更好」等一群識贏之賽駒，本以為就此可青雲直上，點知之後愈跑愈差，就算轉埋馬房兼落到五班都無法再贏，不過，最近連場都跑得接近，尤其是�鬗@月份爭同程以半個身位不敵頭馬「莫己若」得殿軍，證明六歲馬隨時有反彈本領。

第五場、第四班、二二○○米。「心有靈犀」今季踏入五歲有長足進步，先是在田草千八米擊敗路程專家「南莊多寶」初嚐贏馬滋味；上到四班出戰同程壓倒「勝風」贏馬，水準相當有說服力，因為該仗季軍「飛翔星」同殿軍「靚橙」之後已贏馬，甚至乎跑第五的「萬能之功」再出亦能大幅提升名次，由此可見「心有靈犀」�鬘|班確實有呼風喚雨能力，今出戰勝途，當然有再勝條件。