孖寶我有計：好友星威破僵局

放大圖片

大賽過後，今晚跑馬地馬場又有八場夜賽舉行，場面熱鬧，季尾階段不少人馬鬥志鮮明，選馬不用刻意求冷。

第一場、第五班、一八○○米。「常盈多」過去兩捷全在此程取得，而且均在五月份，可見係一匹跑至季尾仍然可以保持水準之馬，上季八戰全敗減分多，今季亦只上過名兩次，久未交代馬鬥志一流，今次用到爭勝決心甚佳的連達文操刀，排內檔有力先拔頭籌。「精彩時機」轉投胡森馬房後，表現已經脫胎換骨，近兩仗更取得一冠一亞全入Q，今仗轉戰谷草千八米路程，屬爭勝分子。

第二場、第四班、一二○○米。「好友星威」已經兩年未勝，剛戰韋達接手在同程排外檔都跑獲季軍，連續兩仗上名，表現復甦，今仗原庄配搭再上征途，排內檔上陣，有力贏馬交代。「善喜」上仗排八檔在同程一放到底，只加五分阻力不大，原庄配搭再戰同程，有力添食。