 放大圖片
第一場、第五班、一八○○米。「驪龍」跑咗三季幾只得一W，勝出率明顯偏低，不過呢場頭馬嘅水準就唔算低，係今季71總場次由巫斯義策騎出戰泥地一哩，以一個身位擊敗「奪目商人」，後駒其後再添一勝三位；而跑第四名的「兵工闖」仲犀利，之後添三Ｗ，由此推算，「驪龍」呢一勝起碼有四班頂水準，今次首度落五班，左計右算都好有贏面。
第三場、第四班、一二○○米。「雄心勁龍」上季五戰獲三勝，當中有兩勝係贏呢個路程，咁好戰績，但估唔到今季轉五歲跑咗十場連位置都未入過，不過以佢上季喺三班呢個路程兩勝的賽績來計，現時喺四班絕對可以打翻身仗，因為嗰兩場蹄下敗將係「嫡愛」同埋「三和福將」，「嫡愛」現身處二班，而「三和福將」仲勁，贏上頂班，由此伸算，「雄心勁龍」跑番九成水準喺今場足以橫掃。
第七場、第三班、一六五○米。「熱爆男」跑呢個路程強到不得了，十一戰錄得三冠三亞，當中最令人激賞的是上季跟「如你所願」上演一場單打獨鬥對決，雖然最終以頸位飲恨跑得亞軍，但本身彈甩季軍的「好先生」達五個幾身位；另一場是上季最後一仗擊退「方程式」，取得佢在泥地賽的第三場頭馬。齋以呢兩場表現來計算，今季大幅減分而跑三班賽，當可谷底反彈。
|
放大圖片
