 放大圖片
跑馬與賭博係咪一定扯上關係？答案當然並非絕對，目前大部份馬主好多都係唔賭錢，佢哋有些志在參與，人有佢有，有些則係馬主的下一代，一家人入馬場志在享受天倫之樂，當家庭聚會，好似今次沙田全泥夜賽咁，方嘉柏馬房有匹初出自購馬名叫「生菜」，名字看起上來雅俗共賞，諗多咗嘅會覺得「生菜」好似係取自「生財」的諧音，根據理解就應該唔係，呢匹馬嘅馬主叫陳苡棋，在養馬行列名字相當陌生，熟悉呢個女仔嘅朋友，應該都知道佢爸爸陳大枝係鄭廄已退役馬「生豪」馬主，但更多人認識唔單係因為陳苡棋後生又靚女，而係佢出自唱家班，本身係福音歌手，亦有做傳教工作，好乖又好有愛心，如今躋身馬主行列，目的並唔係為名為利，只係志在同父親媽咪嘻嘻哈哈，未來「生菜」成就如何就係後話，唯一肯定係今次此駒一出，料女馬主勢必成為傳媒焦點，信不信由你！
|
放大圖片
