 放大圖片
■陳凱琳與洪永城一見面即傾過不停。
香港文匯報訊（記者 梁靜儀）陳凱琳（Grace）與洪永城（Tony）昨日為無綫節目《食得健康嗎？》擔任嘉賓，二人之前 因合作拍攝新劇《張保仔》而熟絡，故一見面即傾過不停。
談到健康話題，Grace表示之前返加拿大，起行前去了睇中醫，醫生指她身體好，只是有少少頭風，但不要偏食。Grace自爆很愛吃花生醬，又爆Tony很愛吃咖哩。Tony表示之前去完印度就迷上吃咖哩，問到可有被緋聞女友唐詩詠嫌棄？他笑道：「之前朋友介紹我去重慶大廈食咖哩，我有帶埋詩詠一齊去食，佢當然有少少嫌棄，不過在我強迫下都會食。」問到Grace可知緋聞男友鄭嘉穎喜歡吃甚麼？她即毫不猶疑指嘉穎甚麼都吃，不會揀飲擇食。問到可會為朋友下廚？她自言沒有下廚天份，反而想朋友為她下廚。
日前嘉穎出席劇集煞科宴時，事先張揚返內地拍戲前會約Grace食飯，Grace說：「約緊，暫時日日開工，所以未發生。」說到煞科宴當晚嘉穎用專車接送她回家，問到是否很貼心？她甜笑道：「幾好。」身旁的Tony即插嘴說：「嘉穎都有車我，又約我打網球。」Grace即呷醋說：「唔怪之得唔得閒約我啦，原來約咗你，我約返詩詠去食壽司先。」問到他們會否兩對情人約出來見面？Tony即說：「唔出奇，你係咪講緊嘉穎同詩詠？（如果係你就要喊？）佢當詩詠係妹妹。（Grace咪係你阿嫂？）唔係嘛，你諗多咗！」
|
放大圖片
