 放大圖片
第二場、第五班、一六五○米。「跑贏大市」在港跑咗三季都未贏，評分由三班65分直線滑落到現時五班37分，不過原來呢隻馬有個路程演出特別準繩，就係跑呢個路程，至今跑咗八次錄得一亞三季，有一半上名率，當中表現最好係喺上季初以半個身位不敵「京城精英」跑得亞軍，以現時評分比當時足足少咗23分，淪落到五班用到巫斯義，點計都有博反彈的價值。
第四場、第四班、一六五○米。「一心一意」今季被編入四班52分起步，跑咗五場不但三甲都未入過，連獎金都未攞過，不過若細心留意賽績，就會發覺呢匹馬喺窄場嘅能力有番咁上下，因為佢四次跑田草場場大敗，但前仗初次角逐谷草1200米只是與頭馬「善喜」相距三個身位而跑第七名，是出道以來跑得最好名次及輸得最近，今場增程跑一哩相信會衝得更勁，絕對有一爆條件。
第六場、第三班、一二○○米。「至尊飛星」過往跑谷草就唔多掂，因為今季之前所累積的三冠四亞兩季全部取自田草，但今季突然一反常態，於457場次出戰谷草1200米，在呂卓賢胯下一放而回，擊敗喺此程未甩過三甲嘅「慷慨寶」。但最估唔到係上場增程跑一哩，竟可放入一席亞軍，跟「心好事成」串Ｑ，證明呢隻七歲馬愈老愈可愛，所以對牠在谷草取得第二勝抱有期望。
|
放大圖片
