 放大圖片
第五場、第三班、一二○○米。「中華寶貝」來港後頭九場田賽都未曾上過名，最叻都係跑到第四名，諗住質素唔會太高，沒料到上回轉到谷草1200米即如有神助，三檔起步早段迅速靠欄領放，跑到最後四百米稍催策即彈離群駒單騎表演，令到一群三班馬連埋身的機會都無，觀乎蹄下敗將亞軍的「忠心義氣」，同埋季軍的「慷慨寶」都是季內識贏之賽駒，而本身跑出的總時間1分9秒56更屬季內三班此程最快，屬出色的頭馬，五歲仔既已找對方向，以此股勢頭殺上二班絕對不為過，馬膽自不作他選。
第八場、第二班、一二○○米。「香江福星」上季兩戰全跑谷草1000米，得一冠一亞，已知今季會有一番功業，果真季內在直路賽熱身後，翌仗轉戰谷草1000米立即補中，總時間56秒79屬季內此程第三快，水準已值二班中上級，所以上到二班後於谷草1200米適應一場後，相隔一月個再戰，八檔起步早段守留第二疊中間位跟跑，直路踩段終極時速22秒97彈離實力指標「你知我心」，跑來好似完全唔同班，而本身總時間1分8秒94更是季內此程最快。既然四歲仔一再展現出非一般能力，贏上頂班是合理期望。
|
放大圖片
